17 PUPUH SUNDA ( I )

Asmarandana

Laras: Salendro
Watek: silih asih silih pikanyaah atawa mepelingan.
1 Pada := 7 padalisan.

Pupuh 1: Asmarandana

Eling eling mangka eling ( 8 engang – vokal i / E-ling-e-ling-
mang-ka-e-ling (jumlah 8), ling panungtung vokalna i)
rumingkang di bumi alam( 8 – a )
darma wawayangan bae ( 8 – e )
raga taya pangawasa ( 8 – a )
lamun kasasar lampah ( 7 – a )
nafsu nu matak kaduhung ( 8 – u )
badan anu katempuhan ( 8 – a )

Panambih:

Eling-eling masing eling
Di dunya urang ngumbara
Laku lampah nu utama
Asih ka papada jalma
Ucap tekad reujeung lampah
Tingkah polah sing merenah
Runtut rukun sauyunan
Hirup jucung panggih jeung kamulyaan

——————-
Laras: Salendro
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan
Titimangsa: 26 Agustus 2004

Balakbak

Watek: pikaseurieun.
1 pada := 3 padalisan.

Pupuh 2: Balakbak

Aya warung sisi jalan rame pisan – Citameng(15-e)
Awewena luas luis geulis pisan – ngagoreng (15-e)
Lalakina lalakina los ka pipir nyoo monyet – nyanggereng (19-e).

Panambih:

Aya warung sisi jalan
Rame pisan ku nu jajan
Tihothat nu ngaladangan
Nu jarajan sukan-sukan

————————-
Laras: Madenda
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan
Titimangsa: 26 Agustus 2004

Dangdanggula

Pupuh 3: Dangdanggula

Mega beureum surupna geus burit
Ngalanglayung panas pipikiran
Cikur jangkung jahe koneng
Naha teu palay tepung
Sim abdi mah ngabeunying leutik
Ari ras cimataan
Gedong tengah laut
Ulah kapalang nya bela
Paripaos gunting pameulahan gambir
Kacipta salamina

Panambih:

Hiji basa, hiji bangsa
Basa bangsa, Indonesia
Hiji bangsa, hiji nusa
Nusa tunggal, Nusantara
Seler-seler, suku bangsa
Di wewengkon, mana-mana
Sakasuka, sakaduka
Wujud bangsa, Indonesia

——————————-
Laras: Pelog, Sorog
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan
Titimangsa: 26 Agustus 2004

Durma

Pupuh 4: Durma:

Moal ngejat sanajan ukur satapak
Geus dipasti ku jangji
Mun tacan laksana
Numpes musuh sarakah
Heunteu niat seja balik
Najan palastra
Mati di medan jurit

Panambih:

Di mamana si penjajah
Pada amarah marudah
Manan kapok anggur gawok
Najan dituyuk diragut
Nagri sadayana
Umumna ngabela
Nyempad rosa, pulitik penjajah
Tapi nu ngajajah
Teu pasrah, teu sadrah
Terus meres, ngahina ngarinah

———————
Laras: Pelog
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan
Titimangsa: 27 Agustus 2004

Gambuh

Watek: bingung, samar polah atawa tambuh laku.
1 Pada := 5 padalisan.

Pupuh 5: Gambuh

Ngahuleng banget bingung ( 7 – u )
henteu terang ka mana ngajugjug ( 10 – u )
turug turug harita teh enggeus burit ( 12 – i )
panon poe geus rek surup ( 8 – u )
keueung sieun aya meong ( 8 – o )

Ngahuleng banget bingung
Heunteu terang kamana nya indit
Turug-turug harita teh, enggeus burit
Panonpoe geus rek surup
Keueung sieun, aya meong

Panambih:

Hulang-huleng, hulang-huleng
Ngahuleng ngaraga meneng
Hate ratug, tutunggulan
Heunteu terang, kaler-kidul
Turug-turug, turug-turug
Harita teh, enggeus burit
Panonpoe geus rek surup
Keueung sieun aya meong

———————-
Laras: Pelog
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan
Titimangsa: 27 Agustus 2004

Gurisa

Kaping: 18.07.2003 13:58

Watek: pangangguran, lulucon atawa tamba kesel.
1 Pada := 8 Padalisan.

Pupuh 6: Gurisa

Hayang teuing geura beurang ( 8 – a )
geus beurang rek ka Sumedang ( 8 – a )
nagih anu boga hutang (8 – a )
mun meunang rek meuli soang ( 8 – a )
tapi najan henteu meunang ( 8 – a )
teu rek buru buru mulang ( 8 – a )
rek tuluy guguru nembang ( 8 – a )
jeung diajar nabeuh gambang ( 8 – a)

Hayang teuing geura beurang
Geus beurang rek ka Sumedang
Nagih ka nu boga hutang
Mun meunang rek meuli soang
Tapi najan henteu meunang
Mo rek buru-buru mulang
Rek terus guguru nembang
Jeung diajar nabeuh gambang

Panambih:

Hayang teuing geura beurang
Geus beurang rek ka Sumedang
Nagih ka nu boga hutang
Mun meunang rek meuli soang
Tapi najan henteu meunang
Mo rek buru-buru mulang
Rek terus guguru nembang
Jeung diajar nabeuh gambang

———————-
Laras: Salendro
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.@#$%&)
Titimangsa: 3 September 2004

Juru Demung

Pupuh 7: Jurudemung

Mungguh nu hirup di dunya
Ku kersaning anu agung
Geus pinasti panggih
Jeung dua rupa perkara
Senang paselang jeung bingung

Panambih:

Mungguh hirup di alam dunya
Ku kersaning anu agung
Geus pinasti bakal panggih
Suka bungah jeung kasedih
Dua rupa nu tumiba
Sakabeh jalma di dunya
Senang patumbu jeung bingung
Eta geus tangtu kasorang

—————————-
Laras: Pelog Liwu
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.@#$%&)
Titimangsa: 3 September 2004

Kinanti

Laras: Pelog/Salendro
Watekna: miharep atawa prihatin.
1 Pada := 6 Padalisan

kembang ros ku matak lucu ( 8 – u )
nya alus rupa nya seungit ( 8 – i )
henteu aya papadana ( 8 – a )
ratuning kembang sajati ( 8 – i )
papaes di patamanan ( 8 – a )
seungit manis ngadalingding ( 8 – i )

Pupuh 8: Kinanti

Budak leutik bisa ngapung
Babaku ngapungna peuting
Nguriling kakalayangan
Neangan nu amis-amis
Sarupaning bungbuahan
Naon bae nu kapanggih

Panambih:

Ari beurang ngagarantung
Pinuh dina dahan kai
Disarada patembalan
Nu kitu naon ngaranna

————————
Laras: Salendro
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.com)
Titimangsa: 3 September 2004

Ladrang

Pupuh 17: Ladrang

Aya hiji rupa sato leutik
Engkang-engkang, engkang-engkang
Sok luluncatan di cai
Ari bangun arek sarupa jeung lancah

Panambih:

Coba teguh masing telik
Eta gambar sidik-sidik
Sato naon kitu wanda
Reujeung dimana ayana

————————-
Laras:
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.@#$%&)
Titimangsa: 11 September 2004

Lambang

Watek: banyol atawa pikaseurieun.
Unggal Pada diwangun ku opat Padalisan.

Pupuh 9: Lambang

Nawu kubang sisi tegal ( 8 – a )
nyair bogo meunang kadal ( 8 – a )
atuh teu payu dijual ( 8 – a )
rek didahar da teu halal ( 8 – a )

Panambih:

Nawu kubang sisi tegal
Nyiar bogo meunang kadal
Nawu kubang sisi tegal
Nyiar bogo meunang kadal
Atuh teu payu dijual
Rek didahar da teu halal

Nawu kubang sisi tegal
Nyiar bogo meunang kadal
Meunang kadal
Atuh teu payu dijual
Rek didahar da teu halal
Da teu halal

Laras: Salendro
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.com)
Titimangsa: 4 September 2004

Magatru

Pupuh 10: Magatru

Majalaya, Ciparay, Banjaran, Bandung
Kopo reujeung Cisondari, Cicalengka, Ujung Berung
Rajamandala, Cimahi
Leles, Limbangan, Tarogong

Panambih:

Sukuna pakepit tilu
Panonna opat harerang
Leumpangna semu nu lesu
Ngalengkah teu bisa gancang

————————-
Laras: Madenda
Vokal: Seniman/wati RRI Bandung
Sumber: Dokumen RRI Bandung
Encryptor: Ki Hasan (khs579@yahoo.@#$%&)
Titimangsa: 4 September 2004

Pameran, Silaturrahmi & Diskusi Iket

''PRABU SILIWANGI''

PRABU SILIWANGI

Saha sabenerna Prabu Siliwangi nepikeun ka ayeuna ku sawaréh urang Sunda dianggap raja pangsohorna/panggedena (sarta ogé pamungkas) karajaan Pajajaran? Mun ngarujuk naskah Wangsakerta, bakal kanyahoan yén dina naskah éta eu...weuh saurang ogé raja Sunda (kaasup Galuh sarta Pajajaran) anu ngaranna Prabu Sili...wangi. Naskah éta meteakeun yén Siliwangi nyaéta ngaran landian anu dibikeun ka saha waé raja anu ngawasa di Sunda sanggeus gugurna raja Sri Baduga di Bubat.

Nurutkeun naskah éta, raja nu gugur di Bubat dina taun 1357 ngaranna Linggabhuwana, sedengkeun dina naskah-naskah nu séjén katelahna téh Prabu Maharaja (lain Sri Baduga Maharaja!). Alatan manéhna gugur dina ngabela ajén diri bangsa (Sunda), rahayat nelahna téh Prabu Wangi (Seungit), hartina nu ngaranna wangi/seungit alatan wawanénna ngabela ajén bangsa téa. Nya saterusna saha waé nu nu jadi raja Sunda sok katelah Prabu Siliwangi, nyaéta raja nu ngagantikeun Prabu Wangi téa.

Lamun naskah éta bisa dipercaya, atawa bisa dipaké pikeun maluruh saha Prabu Siliwangi, hartina yén Prabu Siliwangi lain saurang. Dumasar naskah éta nu météakeun yén Prabu Siliwangi saukur landian nu ngaganti Prabu Wangi, sabenerna aya dalapan urang Prabu Siliwangi. Lamun diurutkeun, maranéhanana téh : Niskala Wastukancana (1371-1475), Déwa Niskala (1475-1482), Sri Baduga Maharaja (1482-1521), Surawisesa (1521-1535), Ratu Dewatabuwana (1535-1543), Ratu Sakti (1543-1551), Nilakendra (1551-1567), sarta Ragamulya Suryakancana (1567-1579).

Mun nempo lilana ngawasa, écés pisan yén sakuduna nu dianggap raja pangsohorna karajaan Sunda nyaéta Niskala Wastukancana. Sajaba mangsa pamaréntahana nu “cukup fantastis” salila 104 taun (1372-1475), naskah Carita Parahyangan météakeun : “Aya saurang putra Prabu Wangi (Prebu Maharaja) ngaranna Prabu Niskala Wastukancana nu maotna dikurebkeun di Nusa Larang, di Pasir Wanakusuma. Manéhna maréntah salila 104 taun alatan sampurna ngamalkan ageman, mangka kahontal kaayaan nu sarwa sejahtera.

Laku lampahna nu koloteun sanajan umurna masih ngora alatan raja téh tunduk (ka tuntunan) “satmata” (Bunisora), nuturkeun (petunjuk) nu ngasuhna nyaéta Hyang Bunisora nu maot dikurebkeun di Geger Omas, landian Batara Guru di Jampang. (Inohong) éta pisan nu dituturkeun ku pangawasa lemah cai saterusna. Batara Guru di Jampang éta pisan nu nyieun makuta “sanghyang paké” sawaktu ngabogaan hak (luhur tahta=Wastukancana) dinobatkeun jadi raja. (Makuta éta) jieunan (hasil) tatapa bakti ka dewata.

Ku kituna, Niskala Wastukancana téh nyaéta Prabu Siliwangi I, sakaligus raja panggedéna (pangsohorna). Sanggeus maot, manéhna diganti kadua urang anakna :
Déwa Nis-kala nu ngawasa di Galuh (ibukotana Kawali), sarta Prabu Susuktunggal nu ngawasa di Sunda (saterusna Pajajaran).

Tétéla kadua pangawasa éta sanajan dulur teu sabobot sapihanéan, komo Susuktunggal dina pamustunganana ngancem bakal mutuskeun sagala hubungan jeung Galuh. Ngaliwatan “musyawarah” para inohong ti kadua karajaan, ditempuh jalan tengah : Kadua raja éta turun tahta, saterusna digantikeun ku Jayadewata putrana Déwa Niskala sakaligus minantu Susuktunggal. Bareng jeung dinobatkeunna Jayadewata, ngaran karajaan katelahna karajaan Pajajaran kalayan puseur dayeuhna
di Pakwan Pajajaran.

Anggapan yén Prabu Siliwangi (hiji-hijina) nyaéta SBM (Sri Baduga Maharaja) atawa Jayadewata, sabenerna teu salah-salah teuing, mun ngaran landian éta dikaitkeun ka nagara nu ngaranna Pajajaran. Hartina, SBM memang mangrupa raja nu mimiti ngawasa di Pajajaran (1482-1521) nu saméméhna nagara éta ampir
sok disebut Sunda. Ngan waé, mun dianggap yén SBM nyaéta hiji-hijina raja nu katelah Prabu Siliwangi, bisa jadi bakal “bentrok” jeung talari nu ngomong yén manéhna raja panggedéna sakaligus pamungkas.

Catetan : Naskah Wangsakerta masih janten "polemik" naha kalebet sumber tulisan sajarah atw sanes. Sawareh gaduh pamadegan yen mun ditingali dina metodologi sajarah (heuristik, verifikasi, interpretasi, historiografi) teu kalebet bukti sejarah nu otentik, margi lemahna sumber-sumber, pabeulit antara fakta & data, sareng dicampur ku hal-hal "magis-religius", teu benten sareng naskah Pararaton (Mpu Tantular) atawa Babad Tanah Jawa (Sultan Agung). Pamadegan nu sanesna, "terlepas" asli atawa palsu eta naskah, eta naskah teh kaasup karya nu "bernilai adiluhung".

Pangeran Wangsakerta teh, katurunan ka-6 ti Sunan Gunung Jati (putrana Pangeran Girilaya)...

KURING NGALAMAN SARUA NU KAALAMAN MANEHNA !!! 0041. H Ach… Moderator Posts: 140

" Jam sabaraha ayeuna? " gerentes dina jero hate. Asa ni'mat pisan ngalenyap sanajan bari ngagoler dihandap, diluhureun samak saheulay, teu dibantalan-bantalan acan.
Kuring nguliat jeung babatek, awak karasa pegel cangkeul, maklum geus opat poe tunggon Puspita anak kuring nu bungsu dirawat di Rumah Sakit, katarajang Thypus.

 Luhureun lomari leutik, nyampak aya resep tebuseun, kawasna sabot kuring ngalenyap, suster neundeun resep didinya.
Dibaca ubar nu kudu dibeuli Viccilin 1 gr injection jeung cefotaxime 1gr injection, masing-masing 4 tube.
Ieu mah antibiotik, kudu ditebus buru-buru pikeun disuntikkeun kana infus-an 6 jam sakali.

Ret kana arloji, euleuh geus liwat tengah peuting geuning! Jam 1 peuting kaayaan tiiseun, diluar hujan ngaririncik, hawa tiis combrek....
Ret ka kenca, sajongjonan kuring ngahuleng, ranjang kosong teh geuning geus dieusian pasen anyar.
Saha nya ? gering naon manehna ? Pantesna sabot kuring ngalenyap, suster mawa pasen ieu kadieu sakamar jeung Puspita.

Direret Puspita keur ngageubra sare, beungeutna pias, infus -an ngeclak lalaunan tina botol kana selang..., selang nyambung kana leungeun anak kuring.
Deudeuh teuing anaking jimat awaking, budak teh geulis pisan, kulit koneng mencrang, halis ngajepat, buuk panjang hideung meles, bet kudu ngalaman dirawat didieu. Hegak napasna nincak diwirahma, jentre ditengah peuting nu sepi jempling, dipirig ko sora hujan anu ngaririncik.

Rumah sakit teh nenggang dipasisian jauh ka kota, pakaranganna lega pisan, loba tangkal kai geledegan. Awi gombong, haur, pringgandani ngabaris beulah kaler. Katebak angin peuting nyeah sorana awor jeung sora hujan. Sora manuk peuting ngajerit, tuweuw sorana ancad laer, koreakpating koceak, anjing babaung handapeun kiara bangun nu kanyenyerian... meulah maratan langit.

Kuring nu kaitung wanian, peuting ieu ngarasa keueung kabina-bina. Ongkoh inget kana carita tukang ngepel tadi ba'da maghrib, yen aya mayit geus tilu poe can aya nu nyokot, sumawona dipulasara. Kulawargana teuing dimana. Basa keur ngepel di kamar mayit, katohyanan posisi mayit
nangkarak bengkang bari sidakep, dirurub ku sepre bodas. Tah basa rek kaluar ti kamar mayit, kareret posisi mayit jadi nyangigir, ngarengkol...
Harita gancang ngagentraan Satpam, tuluy neang mayit, teu teu sing nyangigir geuning, ngajelepeng we nangkarak bengkang.
Atuh puguh ngarasa helok, sidik pasti mayit tadi nyangigir!!!

Tukang ngepel ngaharewos bari gep lengeunna nyekelan leungeun kuring : " Didieu mah loba anu aheng! " kitu cenah panonna neuteub anteb, leungeunna karasa tiis nyecep , terus ranggah kaluhur kana beuheung kuring kawas nu rek nyekek !
Si siah! teu lucu, nyingsieunan batur...

" Uuuh" pasen anyar humaregung bangun nu nahan kanyeri, sukuna tetejeh kana ranjang, hordeng bodas nu ngulibeng ranjangna oyag-oyagan.. Rek disingkabkeun hordengna, hate asa teu wasa
na kamana atuh kulawarga na ?
Ah leuwih hade ngabejaan Suster Jaga, bari sakalian rek nebus ubar ka Apotek di tingkat hiji...

Kuring kaluar ti kamar, mengkol ka kenca mapay koridor nu caang ngempray, ngaliwatan kamar-kamar nu sejen.
Kamar Puspita nomer 14. Nilik kana jujutan, kuduna aya kamar nomer 13, tapi euweuh geuning nomer 13 teh.
Beulah kenca gigireun kamar 14 aya rohangan suster, minangka power styring comitee na, nyampak aya dua urang suster keur tinggerendeng nukangan kuring nyanghareup kana white board. Kuring jadi asa-asa rek ngomong teh, boa-boa keur solving problem yeuh!
Teu burung kedal ucap ceuk kuring ka manehna : "Suster pasen baru dikamar 14 gegerungan wae, tolong dilihat atuh".
Euleuh-euleuh teu ngahargaan ka kuring, sakitu dibejaan teh hare-hare bae, yaa suddaaah! Kuring buru-buru ngaleos.
Karek tilu lengkah kuring ngalieuk heula katukang..., wuiih suster duanana kamarana? sakilat ngaleungit lir tatit!
Hampura tadi tos negative thinking, geuning aranjeun teh "merespon dengan baik atas informasi dari sayah" sakilat leungit, tapi kunaon bet beda rarasaan? bulu punduk muriding muringkak...

Mengkol ka kenca, koridor ngembat ka kidulkeun. Sisi beulah kenca ngajejer kamar nomer 1 jeung nomer 2. Kaselang ku WC saterusna kamar nomer 3, 4, jeung 5.
Beulah katuhu kamar nomer 7 dina pantona aya tulisan ruang isolasi. Naon atuh isolasi teh? piraku ruang alat tulis kantor sarupaning isolasi, lakban, plester ?
Liwat kamar 7, aya kamar 8, 9 jeung ruang slobzing. Naon deui atuh "slub slob" kitu? ditoong tina kaca panto dijerona aya sepre, sarung bantal, simbut numpuk ngahunjud..., bodas!!!
Hih kunaha wet ngawaas aya pocong didinya!!!

Buru-buru maju ka kidul, aya kamar leutik. Nyampak aya suster ngeluk tulas tulis dina kertas bodas. "Nuju ngadamel laporan Neng?" saukur nanya dina jero hate. Suster ngalieuk belenyeh seuri bari unggeuk.
Iiih, si geulis ngajawab pananyaan kuring? helok tiasa tembus rasa kieu?

Beh ditueun, aya kamar tinun, ditoong deui wae, oohh dijerona aya tumpukan sepre, simbut, anduk, sarung bantal ngajengjreng rapih tumpukanna. Liwat tidinya nyampak dapur, terus panto kaluar tungtung koridor.

Bray pantona dibuka lalaunan. Kuring ngalengkah kaluar bari ngareret ka katuhu, rek uluk salam ka Satpam, ih geuning kamana nya? Biasana mah stand by aya didinya.

Kuring mapay jalan nu brasna ka Apotek, ngaliwatan bangku-bangku kosong. Didieu sepi pisan iwal ti sora hujan nu mimiti ngagebret ngagedean. Hujan gede dibarung ku angin nyeak, sawer cihujan kana kaca, ngucur katojo lampu, ririakan mangrupa silhuet, saliwat siga leungeun keur gugupay!!

Hate murengked bakat ku sieun, keueung lain meumeueusan, Ku kabeneran deuih, taya saurang-urang acan nu ngulampreng iwal ti kuring. Ngawani-wanikeun diri, terus ngalengkah maju. Asa beurat rek ngalengkah teh, aeh-aeh...

Aya 2 piliheun jalan, ka katuhu nurugtug mudun, mengkol ka kenca, mapay tangga brasna ka Apotek. Mun ka kenca, mipir-mipir kamar pasen, pungkal-pengkol nepi ka hareupeun Lift, brasna ka Apoptek oge.
Kuring milih ka kenca. Naha? Sabab deukeut panto Lift sok aya Satpam, tangtu moal keueung teuing..
Tapi barang jol kadinya, Satpam teh suwung deuih. Ih ! ku harianeun kamana atuh Satpam teh

Hareupeun Lift, kuring mencet tombol. Kling! pantona muka, luak lieuk heula buru-buru asup. Hate ngarasa reugreug, euweuh nu nuturkeun geuning. Nya eta atuh ongkoh sieun, tapi ngawawaas aya nu nuturkeun ti tukang, heug ngerekeb kana punduk, atawa nangkod pageuh kana beuheung...

Di Apotek kuring ngasongkeun resep ka patugasna, ditarima kalawan darehdeh pisan. " Mangga diantos sakedap, bade didamel kwitansina " ngomongna dibarung ku imut.
" Puspita " bayarnya di kasir 4 "
Kuring unggeuk. Aduuh hate asa ngemplong leupas tina rasa keueung. Nuhun Neng Geulis, sakieu tengah peuting, anjeun kacida someahna, teu lusuh teu kusut.

Kuring leumpang bari ngagigiwing kwitansi, muru ka lawang kasir 4. Tapi kahalangan ku brankar bodas. Saha atuh nu neundeun brankar didinya? teu boga pipikiran.!!!
Ku kuring rek disurungkeun ka katuhu, ngan teu jadi sabab aya getih ngagarajag dina brankar!!! Kapaksa leumpang nyisi tembok bari panon teu lepas tina brankar.

"Pussss pitaaa" aya nu ngaharewos tukangeun kuring, karasa hiuk anginna ngahebos ceuli. Kuring apal kana sorana! dilieuk katukang euweuh sasaha. Kuring ngeleper, apal kana sorana. Gancang dilieuk, ditukang euweuh sasaha.
( cag semet dieu heula, engke disambung deui)

" Do'a Kami Menyertaimu Wahai Guru"

....Rasa menyesal ...tidak kunjung hiang dari benak kami,,,kami yang sering lalai ketika engkau sedang mendidik kami,...kami yang suka menggap anginlalu ketika engkau menasihati kami......wahai guru,,engkau adalah jungjunan kami, engkau membina & mendidik kami......teringat disaat dimana kala engkau Mengajar...engkau dengan penuh semangat ,tanpa kenel rasa lelah...mementingkan kami anak didik ,dan meninggalkan keluarga di rumah......wahai guru,,mungkin Umur memang telah ada yang mengatur,,nyawa memang ada yang punya.....mungkuin tidak lama kita berjumpa......tapi ,dengan pertemuan yang singkat itu engkau telah memenuhu hati kami dengan tekad dasar Tauhid,,,,Dasar yang tidakboeh tidak dimiliki oleh seorang muslim,..maafkanlah kehilafan kami para muridmu ini...engkau bak sinarmentari yang hangat yang menyingkirkan kedinginan kami, juga bak pelita yang menerangi jalan kami........"selamat Jalan GUru"...Selamat Berjumpa lagi,,,di lain waktu dan tempat nanti.......,,semoga Alloh swt Mau mempertemukan kmi Dengan anda.....di Tempat yang telah Ia sediakan Bagi Hamba_hambanya Yang Beriman"....!! Allohu Yarham......!!Ya Alloh Sambutlah Gurukami Dengan jamuan Buah-buah sawarga,,,,,,Jamu ah ia Di sebaik-baiknya tempat penjamuan Mu.....Ampunilah segala kekhilafan nya ......Amien...Ya Alloh Ya Mujiibas-Saailin....."