SISINDIRAN PANGGEUING KEUR UMMAT ( II )
# Rék nyaba ka lembur binbul
Ngaborongkol ti Mang Yaya
réa jalma ngaku rosul
barong tong dipercaya
# Kaditu ka margahayu
Cirengit wétaneunnana
Ngaku_ngaku nampa wahyu
Geus leungit akal séhatna
# Jang Usup nyaba ka mana
Mun tuang nyimpang ka warteg
Hirup di jaman ayeuna
Kuatan iman sing Panceg
# Muara tuluy cikundul
Ngaliwat ka lebah pasar
Jelema nu ngaku Rosul
Eta mah nu gélo anyar
# Di sawah réa jarami
Ditumpuk dina parigi
Mun rajin silaturrahmi
Tinangtu ditambah rizki
# Ngala hurang jeung bi sahmi
Disarengan ku bi enur
Mun urang silaturrahmi
Tinangtu panjang umur
# Ngala hurang sisi sawah
Ulah hilap mawa wadah
Upama meunang kabungah
Ucapkeun “Alhamdulillah”
# Nyandak parang ti si abah
Bet kalahkah hilap deui
Mun urang meunang musibah
Bacakeun “inna lillahi”.
Tidak ada komentar:
Posting Komentar
" mangga kasadayana diantos partisipasina............